Kapihan sa Aklan, daywang dag-eon on
Halin kay BOY RYAN B. ZABAL

Sa pagpatikasog it Aklan Media Forum ag pagsuporta it Publishers Association of the Philippines, Inc. ag Aklan Press Club, ro pamosong Kapihan sa Aklan hay maga celebrar it daywang dag-on nga anibersaryo sa Marso 20.
Ro Kapihan sa Aklan nga gada sabado ginahiwat sa Smoke Hauz Restaurant sa Goding Ramos Street hay sambilog sa mga mapag-on nga lugar para sa mga lokal nga medya sa Aklan ag sa mga bisita sa privado ag gobyerno nga sector sa pagdiskusyon ag sa pagta-o it solusyon sa mga isyu, lokal man o nasyonal.
Suno kay William ‘Billy’ Arguelles, managing director it Aklan Media Forum, ro anibersaryo hay okasyon para magpasaeamat ro nag-organisa it Kapihan sa Aklan sa mga nagsuporta sa daywang dag-on nga pagpanerbisyo sa mga Akeanon.
Kadungan sa anibersaryo it Kapihan sa Aklan ro pagpadungog kay Atty. Ronquillo ‘Kel’ Tolentino, beterano nga manunueat, abogado, maestro, historian, socio-civic a lider political sa probinsyang Akean.
Daya hay pagatambongan it mga lideres nga sanday Aklan Gov. Carlito Marquez, Aklan Rep. Florencio Miraflores, Aklan Vice Governor Gabrielle Calizo-Quimpo, Kalibo mayor Raymar Rebaldo it League of Municipalities of the Philippiness, mga mayors ag bise mayor, mga presidente it kasari-sari nga media organisasyon, myembro it Sangguniang Panlalawigan ag Sangguniang Bayan ag ro mga gin-imbita sa kada sabadohan nga edisyon it Kapihan sa Aklan.
Maga-abot man ro Malacañang Press Secretary Dr. Crispulo ‘Cris’ Icban, Jr., dati nga editor-in-chief it Manila Bulletin agud magata-o ko ana nga mensahe sa Kapihan sa Aklan.
Ro Kapihan sa Aklan hay gin establisar ko Marso 23, 2008, petsa man it pagselebrar it banwang Kalibo ko dag-onan nga kabayanihan it Dise Nuebe nga Martirez it Akean.
Sa Marso 20, ro anibersaryo it Kapihan sa Aklan ag pagpadungog kay Atty. Kel Tolentino hay pagahiwaton sa Hernani’s Mix ‘n Match Restaurant, Luis Barrios Street, Kalibo, Aklan, alas sies y medya it gabi-i.